49

نوجوانوں نے اپنی گاڑی کی ٹینکی کوکوکا کولا سے بھر دیا

اسلام آباد ۔۔۔ امجد وٹو شعور نیوز
دنیا بھر کے نوجوان آئے روز کچھ نہ کچھ نیا کرنے کا سوچتے رہتے ہیں اور اسے انجام بھی دیتے رہتے ہیں تاہم ایسے عجیب و غریب تجربات میں کبھی تھوڑا بہت نقصان بھی اٹھانا پڑتاہے تو کبھی کامیابی قدم چومتی ہے تاہم ان نوجوانوں نے اپنی گاڑی کی ٹینکی کوکوکا کولا سے بھر دیا اور اس کا نتیجہ جاننے کیلئے انوکھا تجربہ بھی کر ڈالا۔سوشل میڈیا پر ایک ویڈیو گردش کر رہی ہے۔ جس میں دیکھا جا سکتا ہے کہ ان نوجوانوں نے گاڑی کی ٹینکی کوکوکا کولا سے بھرنے کے بعد گاڑی سٹارٹ کی جو کہ نارمل انداز میں سٹارٹ ہوئی جس کے بعد سڑک پر دوڑانا شروع کر دیا تاہم گاڑی ابتدائی طور پر 1 منٹ ٹھیک ٹھاک دوڑتی رہی لیکن اچانک اس کے بونٹ میں سے عجیب و غریب آوازیں آنا شروع ہو گئیں جو کہ کوکا کولا کی بوتل ڈالنے کے باعث ہوا ،ایسا محسوس ہونے لگا جیسے گاڑی میں موجود گیس اور کوکا کولا کی بوتل کے درمیان کوئی کیمیکل ری ایکشن ہوا اور کچھ اچھلنے جیسا بھی محسوس ہوا۔اس کے فوری بعد گاڑی نےانجن چیک کی لائٹ کو آن کر دیا جس کا مطلب ہے کہ اپنی گاڑی کا انجن جتنی جلدی ہو سکے سروس کروائیں ، پھر گاڑی کی رفتار آہستہ آہستہ کم ہونا شرو ع ہو گئی اور ایک موڑ پر آ کر گاڑی مکمل طور پر بند ہو گئی جس کے بعد ان نوجوانوں نے اسے سٹارٹ کرنے کی بھرپور کوشش کی لیکن وہ سٹارٹ نہیں ہوئی ۔نوجوان لڑکے گاڑی کو دھکا لگاتے ہوئے وہاں سے چل دیئے اور اپنی گاڑی کی مرمت کروانے پر 1500 ڈالر خرچ کیے جوکہ پاکستانی ڈیڑھ لاکھ سے زائد بنتے ہیں۔ایسی غلطی آپ نہ کیجئے گا ورنہ یہ سب کچھ آپ کیساتھ بھی ہو سکتا ہے۔‎

اپنا تبصرہ بھیجیں