28

ہالینڈ کےلیجنڈکھلاڑی ورلڈ الیون ہاکی ٹیم کےہمراہ پاکستان آنےکےلیےپرجوش

سجادالحسن شعورنیوز
ایمسٹرڈیم : ہالینڈ ہاکی ٹیم کے سابق کھلاڑی لیجنڈ فلورس جان بوویلنڈر کا کہنا ہے کہ وہ ورلڈ الیون ہاکی ٹیم کے ساتھ پاکستان آنے کے لیے بے تاب ہیں۔
تفصیلات کے مطابق کرکٹ کے بعد اب ورلڈ الیون ہاکی کے کھلاڑی بھی پاکستان آنے کوتیار ہیں، عالمی کھلاڑیوں پرمشتمل ورلڈ الیون کی ٹیم رواں ہفتے پاکستان پہنچے گی۔

ورلڈ الیون کے 16 کھلاڑی براستہ دبئی سے کراچی پہنچیں گےجبکہ ٹیم میں ہال آف فیم کے5 کھلاڑی بھی شامل ہیں۔

ورلڈ الیون میں ہالینڈ، اسپین، ارجنٹائن، بیلجیئم، آسٹریلیا سمیت دیگر ممالک کے کھلاڑی شامل ہوں گے۔

عالمی کھلاڑیوں پرمشتمل ورلڈ الیون ٹیم اپنا پہلا میچ 19 جنوری کو کراچی میں کھیلے گی جبکہ دوسرا میچ 21 جنوری کو لاہور میں کھیلا جائے گا۔

ہالی لینڈ کے لیجنڈ کھلاڑی فلورس جان بوویلنڈر نے اپنےایک ویڈیو پیغام میں لاہورمیں کھیلے گئے میچز کی یاد تازہ کرتے ہوئے کہا کہ میں ایک بار پھر پاکستان آنے کے لیے بہت پرجوش ہوں۔

فلورس جان نے کہا کہ 1980 اور90 کی دہائی میں لاہورمیں کھیلے گئے میچوں سے متعلق ان کی اچھی یادیں وابستہ ہیں۔

انہوں نے کہا کہ لاہور میں ہمارے بہترین لمحات میں سے ایک ورلڈ کپ کے فائنل میں پاکستان کو شکست دے کر ورلڈ کپ جیتنا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اپنا تبصرہ بھیجیں