23

پانچ سال میں بچوں سے زیادتی کے 17 ہزار واقعات رپورٹ ہوئے: وزارت انسانی حقوق

سجادالحسن شعورنیوز
اسلام آباد: گزشتہ 5 سال میں بچوں سے زیادتی کےاعداد و شمار قومی اسمبلی میں پیش کردیے گئے۔ رپورٹ کے مطابق 5 سال میں زیادتی کے 17 ہزار 8 سو 62 واقعات رپورٹ ہوئے۔

تفصیلات کے مطابق وزارت انسانی حقوق کی جانب سے گزشتہ 5 سال میں بچوں سےزیادتی کےاعداد و شمار قومی اسمبلی میں پیش کردیے گئے۔

وزارت انسانی حقوق کے مطابق رپورٹ کے لیے اعداد و شمار نجی تنظیم سے حاصل کیے گئے۔ رپورٹ میں بتایا گیا کہ 5 سال میں زیادتی کے 17 ہزار 8 سو 62 واقعات رپورٹ ہوئے۔

رپورٹ کے مطابق لڑکیوں سے زیادتی کے 10 ہزار 6 سو 20 جبکہ لڑکوں سے زیادتی کے 7 ہزار 2 سو 42 واقعات رپورٹ ہوئے۔

رپورٹ میں کہا گیا کہ 5 سال میں پولیس کے پاس 13 ہزار 2 سو 67 واقعات رپورٹ ہوئے۔ بچوں پر تشدد کے مقدمات میں صرف 112 مجرموں کو سزا ہوئی۔

وزارت انسانی حقوق نے اپنی رپورٹ میں بتایا کہ 25 مجرموں کو سزائے موت، 11 کو عمر قید کی سزا ہوئی جبکہ باقی ملزمان کو معمولی قید کی سزائیں ہوئیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اپنا تبصرہ بھیجیں